განათლებისა და მეცნიერების მინისტრი ალექსანდრე ჯეჯელავა თბილისის 162-ე საჯარო სკოლაში განვითარებულ მოვლენებს გამოეხმაურა.

ჯეჯელავას თქმით, სკოლაში ოპტიმიზაცია არ იგეგმება და გავრცელებული ინფორმაცია სიმართლეს არ შეესაბამება.

მინისტრის განმარტებით, საუბარია იმაზე, რომ სკოლებმა მომავალში  მჭიდროდ ითანამშრომლონ და ერთმანეთს გამოცდილება  გაუზიარონ:

„ერთი, ოპტიმიზაცია არ იგეგმება არც ამ სკოლაში და არც სხვა სკოლაში. ეს ცალსახაა. მეორე, ამ პედაგოგებს  ჰქონდათ დაახლოებით 7 შეხვედრა ამ მემორანდუმთან დაკავშირებით და ძალიან დეტალურადაა განმარტებული ყველაფერი ამ შეთანხმებასთან დაკავშირებით. საუბარია იმაზე, რომ ჩვენ ვაპირებთ,  სკოლების თანამშრომლობა იყოს გაცილებით უფრო მჭიდრო. მოგეხსენებათ, თბილისის სკოლებს შორის  სასწავლო შედეგების თვალსაზრისით ძალიან დიდი განსხვავებებია. შესაბამისად, ვფიქრობთ, თუ რაიმე  მიგნება  გვაქვს რომელიმე სკოლაში, გვერდზე სკოლებს უნდა ჰქონდეთ საშუალება, ამ მიგნებებით ისარგებლონ. ასევე,  მაგალითად, იგივე კომაროვის სკოლა წლებია  რეგიონებში ასეთ პარტნიორობას ახორციელებს, იგივე შაბათის სკოლის პროექტის განხორციელებით და ა.შ. ჩვენ გვგონია, რომ ეს პრაქტიკა,  პრინციპი, რომ სკოლებმა ერთმანეთთან ითანამშომლონ, გრძელვადიან პერიოდში მოიტანს ხარისხობრივ გაუმჯობესებას. რაც შეეხება რომ ხალხს ეშინია, ესეიგი, სამწუხაროდ, წარსულში ბევრი რამე ხდებდა პედაგოგებთან, სკოლებთან და ადმინისტრაციებთან შეუთანხმებლად წინა ხელისუფლების პიროებში და ამიტომ ეს შიშები, ალბათ,  იქიდან წამოსულია. ამ შემთხვევაში  მინდა, თქვენი დახმარებით დავარწმუნო ყველა, რომ  ყოველგვარი ოპტიმაზია და ნეგატიური შედეგები  გამოვრიცხოთ ამ პროექტის ფარგლებში. სკოლები დარჩებიან დამოუკიდებელი, ვცდილობთ, ჯგუფური პარტნიორებები გავაკეთოთ, რომლითაც ეს სკოლები ერთმანეთს დაეხმარებიან.ასევე არ გამოვრიცხავთ, რომ კერძო და საჯარო სკოლებიც იქნებიან  მომავალში ასეთ პარტნიორობაში. ანი, საჯარო სკოლები ერთმანეთთან, საჯარო სკოლები ერთმანეთთან და ასევე კერძო და საჯარო სკოები ერთმანეთთან“,-განმარტა ალექსანდრე ჯეჯელავამ.

შეგახსენებთ, თბილისის 162-ე საჯარო სკოლაში სასწავლო პროცესი ჩაიშალა. მიზეზად პირველ ექსპერიმენტულ სკოლასთან გაფორმებული მემორანდუმი სახელდება. სკოლის პედაგოგების განცხადებით,

პირველი ექსპერიმენტული სკოლა 162-ე სკოლის შენობაში გადმოდის, რასაც კადრების ოპტიმიზაცია მოყვება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო