„პარლამენტმა ორი ძირითადი ამოცანა დაუსახა სახელმწიფო საკონსტიტუციო კომისიას და ორივე შესრულებულია“,-ამის შესახებ პარლამენტის თავმჯდომარემ ირაკლი კობახიძემ განაცხადა.

 კობახიძის განმარტებით, კონსტიტუცია არის დოკუმენტი, რომელიც საფუძვლად უნდა დაედოს ქვეყნის შემდგომ განვითარებას.

„დაახლოებით ოთხი თვის განმავლობაში წარიმართა პროცესი სახელმწიფო საკონსტიტუციო კომისიაში. პარლამენტმა ორი ძირითადი ამოცანა დაუსახა სახელმწიფო საკონსტიტუციო კომისიას, ერთი ამოცანა იყო კონსტიტუციის სრულ შესაბამისობის უზრუნველყოფა კონსტიტუციის სამართლის ფუნდამენტურ პრინციპებთან. დღეს ეს შესაბამისობა უზრუნველყოფილი არ არის. გვაქვს მთელი რიგი ნორმები, რეგულაციები კონსტიტუციაში, რომლებიც უხეშად ეწინააღმდეგება ფუნდამენტურ პრინციპებს, მათ შორის ხელისუფლების დანაწილების პრინციპს. ეს დასკვნა არის გამოკვეთილი ვენეციის კომისიის დასკვნაში, რომელიც 2010 წელს დადო ამ ორგანომ, თავის დროზე როცა გადაისინჯა ფუნდამენტურად საქართველოს კონსტიტუცია“,-აღნიშნა კობახიძემ.

მისივე თქმით, მეორე ამოცანა არის ისეთი სისტემის ჩამოყალიბება, რომელიც უზრუნველყოფდა ქვეყნის გრძელვადიან დემოკრატიულ და სტაბილურ განვითარებას.

„ჩვენი ეს ორი ამოცანა ვფიქრობთ, რომ არის შესრულებულია იმ დოკუმენტით, რომელიც არის სახელმწიფო საკონსტიტუციო კომისიის მიერ შემუშავებული“,-დასძინა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა