კონსტიტუციური სამართლის სპეციალისტის ვახუშტი მენაბდის განცხადებით, მასთან სახელმწიფო საკონსტიტუციო კომისიის დატოვების თაობაზე,  კონსულტაციები ამ დრომდე  არ გამართულა.

"კომისიის მუშაობის ერთი ფორმა ვიცით, რაც არის კენჭისყრა. ვინც კონკრეტულ საკითხებს ეთანხმება, მას კენჭისყრაზე მხარს დაუჭერს, ვინც არ ეთანხმება, მის წინააღმდეგ მისცემს ხმას. პასუხისმგებლობის აღება, ან არ აღება სწორედ ამ ფორმით განისაზღვრება",-აღნიშნა მენაბდემ.

მისივე თქმით,  არის საკითხები, რომლებსაც პრინციპულად არ ეთანხმება:

"მათ შორის ყველაზე პრინციპული საკითხი საარჩევნო სისტემაა. თუ ეს საარჩევნო სისტემა არ შეიცვალა, კონსტიტუციის მოდელი ძალიან ხარვეზიანი იქნება. ამიტომ, ყველა რესურსი უნდა გამოვიყენოთ და მათ შორის კენჭისყრამდე და კენჭისყრის პერიოდშიც, რომ რეალობა შეიცვალოს და უფრო მეტად პროპორციული სისტემა მივიღოთ, ვიდრე ეს დღეს შემოთავაზებული ცვლილებების პაკეტითაა. თუ ეს ნაწილი არ შეიცვლება, საარჩევნო სისტემის მხარდაჭერას არ ვაპირებ",-განმარტა მენაბდემ.

ცნობისთვის, საკონსტიტუციო კომისიის სამუშაო ჯგუფები დღეს ბოლო სხდომას მართავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი