საქართველოს ეკონომიკისა და მდგრადი განვითარების მინისტრი გიორგი გახარია თბილისში ვიზიტად მყოფ ირანის ისლამური რესპუბლიკის საგარეო საქმეთა მინისტრს მუჰამედ ჯავად ზარიფს შეხვდა.

ეკონომიკის სამინისტროს ინფორმაციით, მხარეებმა ორ ქვეყანას შორის ეკონომიკური ურთიერთობების მნიშვნელოვანი საკითხები განიხილეს. ორმხრივი შეხვედრის დასრულების შემდეგ გიორგი გახარიამ და მუჰამედ ჯავად ზარიფმა საქართველო-ირანის ბიზნესფორუმი გახსნეს, რომელშიც ირანული და ქართული კომპანიების 100-მდე წარმომადგენელი მონაწილეობდა.

გიორგი გახარიას შეფასებით, ირანი  რეგიონში ერთ-ერთი ყველაზე  სერიოზული ეკონომიკური პოტენციალის მქონე ქვეყანაა.

„ჩვენ იმედი გვაქვს, რომ შევძლებთ  ირანიდან დამატებითი ინვესტიციების მიღებას. განვიხილეთ  კონკრეტული მიმართულებები და ისეთი დარგები, როგორიც არის  წარმოება, ტრანზიტი,  ფარმაცეფტიკა, სოფლის მეურნეობა, ასევე   თავისუფალი ვაჭრობის რეჟიმების გამოყენება  ერთობლივი საწარმოების შექმნის საშუალებით და ა.შ. ეს  ის მიმართულებებია, სადაც  ყველაზე მეტ აქტივობებს უნდა ველოდოთ“, - განუცხადა მედიის წარმომადგენლებს გიორგი გახარიამ.

როგორც მინისტრმა აღნიშნა, ობიექტური მიზეზების გამო პირდაპირი უცხოური ინვესტიციები ირანიდან საკმაოდ  მცირეა, თუმცა სავაჭრო ბალანსში ჩვენი ექსპორტი იზრდება.

„კონკრეტული კომპანიების წარმომადგენლები  არიან ჩამოსულები და შესაბამისად,   ვფიქრობთ, რომ უკვე რაღაც კონკრეტული შედეგები გვექნება. სამწუხაროდ,  ობიექტური მიზეზების გამო პირდაპირი უცხოური ინვესტიციები ირანიდან საკმაოდ  მცირეა, თუმცა სავაჭრო ბალანსში ჩვენი ექსპორტი იზრდება, რაც, რა თქმა უნდა, მისასალმებელია“, - განაცხადა ეკონომიკის მინისტრმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს