ოკუპირებული სამხრეთ ოსეთის დე-ფაქტო პარლამენტის სპიკერის და ე.წ საპრეზიდენტო არჩევნებში გამარჯვებული კანდიდატის ანატოლი ბიბილოვის განცხადებით, კრემლთან, რეგიონის რუსეთთან მიერთების თაობაზე რეფერენდუმის პერსპექტივებს განიხილავენ, - ამის შესახებ "რია-ნოვოსტი" იუწყება.

"მე ყოველთვის აღვნიშნავდი და ახლაც ვიტყვი, რომ სამხრეთ ოსეთის მოსახლეობას რუსეთის შემადგენლობაში დაბრუნების სურვილი აქვს. ეს სურვილი ხალხს 1920-იანი წლების მერე აქვს", - აღნიშნა ბიბილოვმა.

მავე დასძინა, რომ 3 წელიწადში შესრულდება 100 წელი, რაც ოსები "სხვადასხვა პოლიტიკურ ერთეულებში" ცხოვრობენ.

"ვთვლი, რომ აბსოლუტურად არასწორია. ნებისმიერ შემთხვევაში, რუსეთის ფედერაციასთან რეფერენდუმის გამართვის საკითხი აუცილებლად განიხილება", - დასძინა ე.წ სპიკერმა.

ცნობისთვის, ოკუპირებულმა სამხრეთ ოსეთმა დამოუკიდებლობა 2008 წლის აგვისტოში გამოაცხადა. ახლა ოკუპირებული ცხინვალის ე.წ სუვერენიტეტს მხოლოდ 5 სახელმწიფო აღიარებს: რუსეთი, ვენესუელა, ნიკარაგუა, ნაურუ და ტუვალუ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო