დიდი ბრიტანეთის საგარეო საქმეთა მინისტრმა ბორის ჯონსონმა მოსკოვში დაგეგმილი ვიზიტი გადადო, ამის შესახებ The Guardian იუწყება. 

მედია საშუალების ინფორმაციით, ჯონსონი მოსკოვში რუს კოლეგას სერგეი ლავროვს ორშაბათს უნდა შეხვედროდა. საგარეო უწყებამ დაადასტურა, რომ მინისტრის ვიზიტი აღარ შედგება, ვინაიდან „სირიაში არსებული სიტუაცია რადიკალურად შეიცვალა“. 

 „ამ ეტაპზე, ჩემი პრიორიტეტია აშშ-სთან კომუნიკაციის გაგრძელება და კონტაქტი სხვა სახელმწიფოებთან, რომლებიც G7-ის სამიტზე 10-11 აპრილს შეიკრიბებიან, რათა კოორდინირებულად იმუშაონ სირიაში ცეცხლის შესაწყვეტად. სავალალოა, რომ რუსეთი აგრძელებს ასადის რეჟიმის დაცვას, ქიმიური იარაღით თავდასხმის შემდეგაც კი, რომელმაც მშვიდობიანი მოქალაქეები სიცოცხლე იმსხვერპლა. ჩვენ მოვუწოდებთ რუსეთს, რომ სირიაში პოლიტიკური შეთანხმების მისაღწევად ყველაფერი იღონოს და იმუშაოს საერთაშორისო თანამეგობრობასთან  იმაში დასარწმუნებლად, რომ ბოლო დროს განვითარებული მოვლენები არასდროს განმეორდება“, - განაცხადა ჯონსონმა. 

შეგახსენებთ, რომ სირიის პროვინცია იდლიბში ქიმიური თავდასხმის შედეგად, სულ მცირე, 100 ადამიანი დაიღუპა, 100-ზე მეტი კი დაშავდა. დაღუპულტა შორის არიან მცირეწლოვანი ბავშვები და ქალები. იმიური იარაღის გამოყენების შემდეგ, ამერიკის შეერთებული შტატების პრეზიდენტმა დონალდ ტრამპა სირიის ავიაბაზაზე სამხედრო იერიშის განხორციელების გადაწყვეტილება მიიღო. დაიბომბა სწორედ ის ბაზა, რომლიდანაც ქიმიური თავდასხმა განხორციელდა. აღნიშნულის შედეგად 9 ადამიანი დაიღუპა, 7 კი დაშავდა. მსოფლიო ლიდერებმა აშშ-ის გადაწყვეტილება პოზიტიურად შეაფასეს და მხარი დაუჭირეს. ბაშარ ასადმა კი ამერიკის ქმედებებს "სულელური და უპასუხისმგებლო" უწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა