ამერიკის შეერთებული შტატების გენერალური მდივანი რექს ტილერსონი, სირიის საავიაციო ბაზაზე თავდასხმასთან დაკავშირებით რუსეთის რეაქციით იმედგაცრუებულია.

თუმცა, როგორც ტილერსონმა აღნიშნა, რუსეთის პოზიცია მისთვის მოულოდნელი არ იყო.

"რუსეთმა კიდევ ერთხელ დაადასტურა, რომ ასადის მხარდაჭერის გაგრძელებას აპირებს, რომელიც საკუთარ მოსახლეობაზე თავდასხმებს ახორციელებს. ეს ძალიან სამწუხარო ფაქტია და მე იმედგაცრუებული ვარ, თუმცა ვერ ვიტყვი, რომ მსგავს რეაქციას არ ველოდი", - აღნიშნა რექს ტილერსონმა.

შეგახსენებთ, რომ სირიის პროვინცია იდლიბში ქიმიური თავდასხმის შედეგად, სულ მცირე, 100 ადამიანი დაიღუპა, 100-ზე მეტი კი დაშავდა. დაღუპულთა შორის არიან მცირეწლოვანი ბავშვები და ქალები. ქიმიური იარაღის გამოყენების შემდეგ, ამერიკის შეერთებული შტატების პრეზიდენტმა დონალდ ტრამპმა სირიის ავიაბაზაზე სამხედრო იერიშის განხორციელების გადაწყვეტილება მიიღო. დაიბომბა სწორედ ის ბაზა, რომლიდანაც ქიმიური თავდასხმა განხორციელდა. აღნიშნულის შედეგად 9 ადამიანი დაიღუპა, 7 კი დაშავდა. მსოფლიო ლიდერებმა აშშ-ის გადაწყვეტილება პოზიტიურად შეაფასეს და მხარი დაუჭირეს. ბაშარ ასადმა კი ამერიკის ქმედებებს "სულელური და უპასუხისმგებლო" უწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა