ამერიკის შეერთებული შტატების თავდაცვის უწყების მაღალჩინოსნების ინფორმაციით, აშშ-მ სირიაში, მშვიდობიანი მოსახლეობის წინააღმდეგ ქიმიური იარაღის გამოყენებაში რუსეთის შესაძლო მონაწილეობის შესახებ გამოძიება დაიწყო, - ამის შესახებ AP იუწყება.

როგორც პენტაგონში აცხადებენ, რუსეთმა ხელისუფლების მოქმედებების კონტროლი ვერ შეძლო, რასაც პრეზიდენტ ბაშარ ალ-ასადის მიერ ქიმიური თავდასხმა მოჰყვა.

მაღალჩინოსნები აღნიშნავენ, რომ თავდასხმის ტერიტორიაზე, ქიმიური იარაღის გამოყენების შემდეგ, სავარაუდოდ რუსული ან სირიული უპილოტო თვითმფრინავი დაფრინავდა. გარკვეული დროის შემდეგ "დრონი" ისევ გამოჩნდა ტერიტორიაზე, რასაც საავადმყოფოს დაბომბვა მოჰყვა.

მედიის ინფორმაციით, განიხილება ვერსია, რომ შესაძლოა, ქიმიური თავდასხმის მტკიცებულებები დაფარვა სურდათ.

შეგახსენებთ, სირიაში, იდლიბის პროვინციაში რამდენიმე დღის წინ ქიმიური თავდასხმა მოხდა, რის შედეგადაც სულ მცირე 100 ადამიანი დაიღუპა, ხოლო ასობით მძიმედ დაშავდა. არსებობს ვერსია, რომ თავდასხმა განახორციელა ასადმა, თუმცა სირიის ხელისუფლება ბრალდებებს უარყოფს. კიდევ ერთი ვერსიით თავდასხმაში ჩართული იყო რუსეთი, თუმცა ოფიციალური კრემლი ასევე უარყოფს ბრალდებებს.

გუშინ აშშ-მა სირიის საავიაციო ბაბაზე იერიში მიიტანა. ქვეყნის პრეზიდენტის დონალდ ტრამპის გადაწყვეტილებით დაიბომბა სწორედ ის ბაზა, რომლიდანაც განხორციელდა ქიმიური თავდასხმა. აღნიშნულის შედეგად 9 ადამიანი დაიღუპა, 7 კი დაშავდა. მსოფლიო ლიდერებმა აშშ-ის აღნიშნული გადაწყვეტილება პოზიტიურად შეაფასეს და მხარი დაუჭირეს. ბაშარ ასადმა კი ამერიკის ქმედებებს "სულელური და უპასუხისმგებლო" უწოდა. ამასთან, აშშ-ს იერიში რუსეთმაც ნეგატიურად შეაფასა. პუტინის თქმით, ეს იყო აგრესიის გამოვლენა სახელწმიფოს მიმართ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა