სერბეთის პრემიერ-მინისტრი ალექსანდრე ვუჩიჩი, პირველი ტურის შედეგების თანახმად, საპრეზიდენტო არჩევნებში ლიდერობს, - ამის შესახებ BBC იუწყება.

წინასწარი ინფორმაციით, ვუჩიჩი ხმათა 55%-ს აგროვებს. მეორე ადგილზე, დიდი სხვაობით, იურისტი საშა იანკოვიჩია, რომელსაც 16% აქვს. ბიულეტენების დათვლა ამ დრომდე მიმდინარეობს.

ვუჩიჩმა მხარდამჭერებს საარჩევნო შტაბიდან უკვე მიმართა და აღნიშნა, რომ ახალი მთავრობის ფორმირებას უახლოეს 2 თვეში გეგმავს.

"ეს ჩვენთვის მნიშვნელოვანი დღეა, რომელიც გვიჩვენებს თუ რა მიმართულებით სურს სერბეთ მოძრაობა. აუცილებელი იყო არჩევნები თავისუფალ გარემოში ჩატარებულიყო. 12% მეტი ხმა მივიღე, რაც დაახლოებით 430 ათასი ხმაა, ეს მაჩვენებელი სხვა დანარჩენი კანდიდატების საერთო მაჩვენებელზე დიდია", - აღნიშნა პრეზიდენტობის კანდიდატმა.

ცნობისთვის, თუ საერთო ჯამში ვუჩიჩი 50% ზე მეტ ხმას დააგროვებს, ქვეყანაში საპრეზიდენტო არჩევნების მეორე ტური არ გაიმართება. ალექსანდრ ვუჩიჩი აქამდე ქვეყნის თავდაცვის მინისტრის, ვიცე-პრემიერის, და პრემიერ-მინისტრის პოსტს იკავებდა.

ექსპერტების შეფასებით მისი გამარჯვება ნიშნავს ევროკავშირთან ურთიერთობის გაგრძელებას.

აღსანიშნავია, რომ არჩევნებამდე 6 დღით ადრე ალექსანდრ ვუჩიჩი რუსეთს ოფიციალური ვიზიტით ეწვია და ქვეყნის პრეზიდენტს ვლადიმერ პუტინს შეხვდა. შეხვედრის დროს პრეზიდენტობის კანდიდატმა აღნიშნა, რომ ევროკავშირში გაწევრიანება სერბეთის სტრატეგიული მიზანია, თუმცა მანვე დასძინა, რომ ოფიციალური ბელგრადი რუსეთთან კარგი ურთიერთობის შენარჩუნებას გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო