საფრანგეთის პრეზიდენტობის კანდიდატი "ნაციონალური ფრონტიდან" მარინ ლე პენი კრემლში რუსეთის პრეზიდენტს ვლადიმერ პუტინს შეხვდა, - ამის შესახებ BBC იუწყება. 

მედია საშუალების ინფორმაციით, ლე პენმა და პუტინმა ტერორიზმთან ბრძოლაში საერთო პერსპექტივები განიხილეს. 

შეხვედრაზე, ვლადიმერ პუტინმა აღნიშნა, რომ რუსეთი ტერორიზმის სამიზნე არაერთხელ ყოფილა. კერძოდ, პრეზიდენტმა რამდენიმე დღის წინ ჩეჩნეთში სამხედრო ბაზაზე თავდასხმა გაიხსენა. 

"ყველანი ვცხოვრობთ ასეთ, რთულ პირობებში. ბოლოს და ბოლოს უნდა გავიაზროთ, ამ საშიშროების რეალობა და ერთობლივი ძალებიტ წინ აღვუდგეთ", - განაცხადა პუტინმა.

თავისმხრივ ლე პენმა, პრეზიდენტის ეს განცხადება დადებითად შეაფასა და დასძინა, რომ მოსკოვი და პარიზი ტერორიზმს რეალურად ებრძვიან. ამასთან, ლე პენი ინიციატივით გამოვიდა, რომ ორმა ქვეყანამ სადაზვერვო ინფორმაციები გაუზიარონ ერთმანეთს. 

"სამწუხაროდ არ ხდება მხოლოდ მასობრივი ტერაქტები, არამედ ხდება ერთეული თავდასხმები. ასევე, რამდენიმე დღის წინ ლონდონში თავდასხმა მოხდა. სასარგვებლო იქნება, პერიოდულად სადაზვერვო ინფორმაციები გავცვალოთ ორ ქვეყანას შორის", - აღნიშნა ლე პენმა. 

ცნობისთვის, საფრანგეთის პრეზიდენტობის კანდიდატი მოსკოვში დუმის მოწვევით არის ჩასული. ამასთან, კრემლში აცხადებენ, რომ არ აპირებენ საფრანგეთის საპრეზიდენტო არჩევნებში ჩარევას და გეგმავენ პოლიტიკოსების მთლიან სპექტრს ეკონტაქტონ. 

შეგახსენებთ, რომ საფრანგეთში საპრეზიდენტო არჩევნები აპრილშია ჩანიშნული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი