კონსტიტუციონალისტ ვახუშტი მენაბდის ინიციატივით, საგამოძიებო  კომისიის შექმნის უფლებამოსილება საპარალამენტო უმცირესობას უნდა გააჩნდეს.

როგორც მენაბდემ ჟურნალისტებს განუმარტა, მოქმედი წესის და პრაქტიკის შესაბამისად საგამოძიებო კომისიის შექმნის უფლებამოსილება მხოლოდ საპარლამენტო უმრავლესობას აქვს.

„მიგვაჩნია  რომ ეს არ  უნდა იყოს საპარლამენტო უმრავლესობის უფლებამოსილება, რომელსაც ისედაც  აქვს  აღმასრულებელი ხელისუფლების საქმეების გამოძიების შესაძლებლობა. არამედ ეს უნდა იყოს საპარლამენტო უმცირესობის უფლებამოსილება და პარლამენტართა ერთი მეხუთედის მოთხოვნის შემთხვევაში უნდა იქმნებოდეს დროებითი საგამოძიებო კომისია, რათა პარლამენტმა შეძლოს აღმასრულებელი ხელისუფლების ეფექტური კონტროლი. ეს იქნება მნიშვნელოვანი ინსტრუმენტი, რომ პარლამენტმა გააკონტროლოს ის საქმეები, სადაც არსებობს ეჭვი, რომ გამოძიება კარგად ვერ მუშაობს და საჭიროა შეიქმნას საგამოძიებო კომისია“,-განაცხადა მენაბდემ.

მისივე თქმით, საკონსტიტუციო კომისიის წევრებმა აღნიშნული ინიციატივა დადებითად შეაფასეს თუმცა, არიან  მოწინააღმდეგეებიც.

ამასთან, მენაბდის ინფორმაციით, დღევანდელ საკონსტიტუციო კომისიის სხდომაზე საპარალამენტო საარჩევნო სისტემის  საკითხზე მსჯელობა არ იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა