თავდაცვის მინისტრი მინდია ჯანელიძე  ირაკლი ალასანიას განცხადებას გამოეხმაურა, რომლითაც მან  მთავრობა საჰაერო თავდაცვის საერთაშორისო ხელშეკრულებაზე უარის თქმაში დაადანაშაულა.

ჯანელიძის თქმით,  საუბარი არის განზრახულობათა წერილზე და  ის ხელშეკრულება, რომელზეც ალასანია საუბრობს, არ არსებობს.

„გთხოვთ დააზუსტოთ ალასანიასთან რას გულისხმობს, თუმცა ზოგადად მინდა გითხრათ, რომ ეს ჭორაობის საგანი გახდა, ე.წ ხელშეკრულება, რომელიც არ არსებობს. სინამდვილეში საუბარია განზრახულობათა წერილზე, რომელიც ხელმოწერილია, შესაბამისად რა ხელშეკრულებას გულისხმობს, დააზუსტოს. როცა განცხადებას აკეთებს პოლიტიკური ფიგურა, საჭიროა იყოს ამაში მეტი სიცხადე, სიზუსტე. ეს არაზუსტი და არაკორექტული განცხადება იყო. სატელეფონო საუბარი შედგა და ეხებოდა იმას რომ პროცედურები, რაც საჭიროა რომ დაცული იქნას საერთაშორისო შეთანხმებაზე ხელისმოწერის დროს, ყოფილიყო დაცული. კიდევ ერთხელ გეუბნებით, ჩვენი სატელეფონო საუბარი... ცოტა უხერხულია ამაზე ჩემგან საუბარი, იმიტომ რომ მთავრობის წევრებს შორის ტექნიკურ საკითხებზე საუბარი, როცა საჯარო დისკუსიის საგანი ხდება, ეს არ არის სწორი. თან ეს შეეხება ისეთ სფეროს, როგორიც არის თავდაცვის სფერო, დამიჯერეთ, რომ მსგავსი დისკუსიები თავდაცვის ინტერესებში ნამდვილად არ შედის. საუბარი ეხებოდა განზრახულობათა წერილზე, და არ იყო პროცედურები სრულად დაცული იმისთვის, რომ ეს ხელმოწერა განხორციელებულიყო“,-აღნიშნა მინდია ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს

პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო

ვიქტორ ორბანმა უნგრეთში საპარლამენტო არჩევნებში დამარცხება აღიარა