ახალგაზრდა მამაკაცი, რომელიც ბერლინში საშობაო ბაზარზე ტერაქტის მოწყობაშია ეჭვმიტანილი, იტალიაში სამართალდამცველების მიერაა ლიკვიდირებული, - ამის შესახებ Reuters-ი იუწყება.

Sky News-ის ინფორმაციით, იტალიის შინგანა საქმეთა მინისტრი საგანგებო პრესკონფერენციას აღნიშნულ საკითხთან დაკავშირებით ცოტახანში გამართავს.

შს მინისტრ მარკო მინიტის განცხადებით, მოკლული ეჭვმიტანილი ანის ამრია და ამაში გამოძიებას არანაირი ეჭვი არ აქვს.

"ეჭვგარეშეა, რომ მოკლული ანის ამრია, რომელმაც ბერლინის საშობაო ბაზარში ტერაქტი მოაწყო. ცხედარს ექსპერტიზა ნაწილობრივ უკვე ჩაუტარდა, კერძოდ გარდაცვლილის იდენტიფიკაცია თითის ანაბეჭდებით მოხდა. ამრის ლიკვიდაცია სამართალდამცველებმა მაშინ მოახდინეს, როდესაც ის სადგურზე შენიშნეს", - განაცხადა მინიტიმ. 

როგორც სააგენტო წერს, ეჭვმიტანილი პოლიციის კორდონის ალყაში აღმოჩნდა, რა დროსაც ორმხრივი სროლა დაიწყო და ტუნისელი ეჭვმიტანილი სამართალდამცველებმა მოკლეს.

მედიის ცნობით, ტუნისელმა ეჭვმიტანილმა ერთი სამართალდამცველი დაჭრა. 

შეგახსენებთ, რომ გერმანიის დედაქალ ბერლინში საშობაო ბაზრობის ტერიტორიაზე სატვირთო ავტომანქანის შევარდნის შედეგად 12 ადამიანი დაიღუპა, 48 კი მძიმედ დაშავდა. ​ მომხდარს ტერაქტის კვალიფიკაცია მიენიჭა. 

ცნობისთვის, გერმანიის ხელისუფლებას ბერლინის ბაზრობაზე თავდასხმაში ეჭვმიტანილის, 24 წლის ტუნისელი ანის ამრის ადგილსამყოფელის შესახებ ინფორმაციის სანაცვლოდ 100 ათასი ევროს ოდენობის ჯილდო ჰქონდა დაწესებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს