თურქეთის პროკურატურამ სტამბოლის უნივერსიტეტის 87 თანამშრომლის დაპატიმრების ორდერი გასცა, - ამის შესახებ Reuters იუწყება.

მედია საშუალების ინფორმაციით, თურქეთის მთავრობა მათ, აშშ-ში მცხოვრებ მუსლიმ მქადაგებელთან, ფეთჰულა გიულენთან კავშირში ადანაშაულებს.

როგორც  CNN Turk-ი იტყობინება, სამართალდამცველები თურქეთის 12 პროვინციაში რეიდებს ახორციელებენ. ეჭვმიტანილებს შორის არიან უნივერსიტეტის პროფესორები, ასევე ერთ-ერთი პოლიტიკური პარტიის თავმჯდომარეც.

ცნობისთვის, 15 ივლისში თურქეთში განხორციელებული სახელმწიფო გადატრიალების მცდელობის შემდეგ ქვეყანაში 36 ათასი ადამიანი დააკავეს, 100 ათასზე მეტი კი სამსახურიდან გაათავისუფლეს. დაიხურა რამდენიმე უნივერსიტეტი და მედია საშუალება.

შეგახსენებთ, რომ სამხედრო გადატრიალების მცდელობის შედეგად 240-ზე მეტი ადამიანი დაიღუპა. გადატრიალების ორგანიზატორად თურქეთის მთავრობა მუსლიმ მქადაგებელს, პეტჰულა გიულენს მიიჩნევს, რომელიც ამერიკაში, პენსილვანიის შტატში ცხოვრობს. ოფიციალური ანკარა მის ექსტრადირებას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება