გერმანიის თავდაცვის მინისტრი ურსულა ფონ დერ ლეიენი აშშ-ის საპრეზიდენტო არჩევნებში დონალდ ტრამპის მოსალოდნელ გამარჯვებას "დიდ შოკს" უწოდებს, - ამის შესახებ სააგენტო Reuters-ი იუწყება.

 “ვფიქრობ, ტრამპმა იცის, რომ ეს იყო არა მისთვის მიცემული ხმა, არამედ ვაშინგტონის, ისტებლიშმენტის წინააღმდეგ მიცემული ხმა”, - განაცხადა გერმანიის თავდაცვის მინისტრმა.

ცნობისთვის, ამერიკის შეერთებული შტატების რესპუბლიკური პარტიის კანდიდატს დონალდ ტრამპს, ამ დროისთვის ამომრჩეველთა კოლეგიის 266 ხმა აქვს დაგროვილი, მაშინ როდესაც მის ოპონენტს ჰილარი კლინტონს უცვლელად 218 ხმა აქვს. როგორც მედია საშუალება წერს, დონალდ ტრამპს გამარჯვებამდე კოლეგიის მხოლოდ 6 ხმა სჭირდება.

ცნობისთვის, არჩევნებში გამარჯვებისთვის პრეზიდენტობის კანდიდატმა 538-წევრიანი  ამომრჩეველთა კოლეგიის ხმათა უმრავლესობა უნდა მოაგროვოს. კანდიდატს გამარჯვებისთვის კოლეგიის 270 ხმა სჭირდება.

აშშ-ის მოქალაქეები ქვეყნის რიგით 45-ე პრეზიდენტს ირჩევენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.