17 სექტემბერს ნიუ-იორკში ამოქმედებული ასაფეთქებელი მოწყობილობა და შემთხვევის ადგილთან აღმოჩენილი მეორე ხელნაკეთი ბომბი დამზადებული იყო ბოსტონის მარათონზე 2013 წელს აფეთქებული მოწყობილობების იდენტურად, - ამის შესახებ BBC იუწყება. 

როგორც მედია საშუალება წერს, დეტონატორებად ასაფეთქებელ მოწყობილობებში მობილური ტელეფონები და საშობაო ნათურები იყო გამოყენებული. 

შეგახსენებთ, რომ მანჰეტენის ჩელსის რაიონში მომხდარი აფეთქების შედეგად 29 ადამიანი დაშავდა. მოგვიანებით, შემთხვევის ადგილის მახლობლად კიდევ ერთი ასაფეთქებელი მოწყობილობა აღმოაჩინეს.

აფეთქებასთან დაკავშირებით დაკავებულია 5 ადამიანი, თუმცა ბრალი არავისთვის წაუყენებიათ.

აღსანიშნავია, რომ ნიუ-იორკის შტატის გუბერნატორმა ენდრიუ კუომომ მომხდარს ტერორიზმის აქტი უწოდა.

ცნობისთვის, 2013 წლის აპრილში ბოსტონის მარათონის დროს ორი ბომბის აფეთქების შედეგად 3 ადამიანი გარდაიცვალა, ხოლო 260 დაშავდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი