კახა კალაძე: ოპონენტებს „შოუს მოწყობა“ ამჯერად არ გამოუვიდათ

2015-03-12 13:01:10, 448 ნახვა

პოლიტიკა

ენერგეტიკის მინისტრი კახა კალაძე პარლამენტში რიგგარეშე სხდომის ჩატარების საკითხს ეხმაურება და აცხადებს, რომ მმართველი გუნდის პოლიტიკურ ოპონენტებს „შოუს მოწყობა“ სურდათ.

მისივე განმარტებით, ეკონომიკის და ფინანსთა მინისტრები მზად არიან, პარლამენტის საკომიტეტო მოსმენებზე დღეს ამომწურავი პასუხები გასცენ დეპუტატებს.

„ოპონენტებს სურდათ მოეწყოთ შოუ, ისინი მიჩვეული არიან ასეთი შოუების მოწყობას, მაგრამ ამჯერად მათ არ გამოუვიდათ. რაც შეეხება კომიტეტში მისვლას, თუ იქ იქნება კითხვები კონკრეტულ თემებთან დაკავშირებით, კვირიკაშვილი და ხადური ამომწურავ პასუხებს გასცემენ“,-განაცხადა კალაძემ.

შეგახსენებთ, პრეზიდენტის გადაწყვეტილებით, პარლამენტში რიგგარეშე სხდომა 13 მარტს გაიმართება, სადაც ქვეყანაში შექმნილ ეკონომიკურ მდგომარეობაზე იმსჯელებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან