აშშ-ის პრეზიდენტობის კანდიდატი ჰილარი კლინტონი საპრეზიდენტო არჩევნებში რუსეთის შესაძლო ჩარევის საფრთხის გამო შეშფოთებას გამოთქვამს, - ამის შესახებ პოლიტიკოსმა თავისი საარჩვენო შტაბის თვითმფრინავის ბორტზე ჟურნალისტებთან საუბრისას განაცხადა.

როგორც პრეზიდენტობის კანდიდატი აცხადებს, დემოკრატიულ პარტიაზე მოსკოვის მხრიდან სავარაუდო კიბერთავდასხმები საარჩევნო პროცესში რუსეთის შესაძლო ჩარევის შესახებ სერიოზულ კითხვებს ბადებს.

კლინტონის თქმით, ამ ფაქტით შეშფოთებულები უნდა იყვნენ როგორც რესპუბლიკელები, ისე დემოკრატები.

მან ასევე აღნიშნა, რომ მის რესპუბლიკელ მეტოქეს, დონალდ ტრამპს დიქტატორებისადმი განსაკუთრებული დამოკიდებულება აქვს.

ცნობისთვის, როგორც გამოცემა The Washngton Post-ი საკუთარ წყაროებზე დაყრდნობით წერდა, გამოძიების ფედერალური ბიურო და ეროვნული სადაზვერვო სამსახური აშშ-ის საპრეზიდენტო არჩევნების ჩაშლისკენ მიმართული მოსკოვის სპეცოპერაციას იძიებენ. 

გამოცემის ცნობით, ოპერაციის მიზანს ქვეყნის პოლიტიკური ინსტიტუტებისადმი ამერიკელების ნდობის შერყევა წარმოადგენს.

გამოძიების ინფორმაციით, ოპერაციის დროს რუსული მხარე საარჩევნო სისტემების გასატეხად კიბერინსტრუმენტების გამოყენებას გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი