პაკისტანის ქალაქ კვეტაში აფეთქების შედეგად დაღუპულთა რიცხვი 100-მდე გაიზარდა, - ამის შესახებ ინფორმაციას Reuters ავრცელებს.

მედია საშუალების ინფორმაციით, დაშავებულების რაოდენობა 120-ს აღემატება, 26 მათგანი კი კრიტიკულ მდგომარეობაში იმყოფება.

თავდასხმაზე პასუხისმგებლობა ერთდროულად ორმა  დაჯგუფებამ აიღო: ე.წ “ისლამურმა სახელმწიფომ” და მოძრაობა “ჯამაატ ურ აჰრარის” თალიბებმა.

ამასთან, "ისლამურ სახელმწიფოსთან" დაახლოებული სააგენტო "Amaq"-ის ინფორმაციით, ტერაქტის ორგანიზატორი სწორედ ტერორისტული დაჯგუფება ISIS-ია.

თვითმკვლელმა ტერორისტმა ასაფეთქებელი მოწყობილობა საავადმყოფოს რეანიმაციულ განყოფილებაში აამოქმედა, სადაც იმ დროისთვის 50-ზე მეტი ადამიანი იმყოფებოდა.

სამართალდამცველების ინფორმაციით, აფეთქების შემდეგ უცნობებმა საავადმყოფოში სროლა გახსნეს.

ადგილობრივი იურისტები და ჟურნალისტები იქ ბელუჯისტანის პროვინციის ადვოკატთა ასოციაციის პრეზიდენტის ხსოვნის პატივსაცემად შეიკრიბნენ,რომელიც 8 აგვისტოს დაუდგენელმა პირებმა მოკლეს.

როგორც მედია წერს, მომხდარის შემდეგ ადგილობრივმა ხელისუფლებამ ყველა სამედიცინო დაწესებულებაში საგანგებო მდგომარეობა გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა