პრემიერ-მინისტრ გიორგი კვირიკაშვილის განცხადებით,  დღეს მთავრობა ფართოზოლოვანი ინფრასტრუქტურის განვითარების პროგრამას განიხილავს.

აღნოშნული პროგრამის მიხედვით გეგმა უკვე გაწერილია, თუ როგორ უნდა შეიქმნას საქართველოში ოპტიკურბოჭკოვანი ინტერნეტის ქსელი 2000-ზე მეტი დასახელების, ქალაქისა და სოფლისათვის.

"მივიღეთ სტრატეგია, სადაც განვსაზღვრეთ რა გზით უნდა წავსულიყავით. ამ პერიოდის განმავლობაში იდენტიფიცირებული და დაყოფილ იქნა რამდენიმე ზონად მთელი საქართველოს ტერიტორია. სახელმწიფო პროგრამა ისე მომზადდა, რომ ეს პროექტი ფაქტობრივად კერძო სექტორთან ერთად განისაზღვრა სხვადასხვა დაინტერესების ზონები. არ ხდება ისე, რომ ამ პროექტმა კერძო სექტორის ინტერესები გადაკვეთოს, პირიქით, ხელს უწყობს სხვადასხვა დაინტერესების ზონების მიხედვით სხვადასხვა სოფელსა და ქალაქში შესვლას.ხოლო იქ, სადაც ნაკლები დაინტერესებაა, ეკონომიკურად აზრს მოკლებულია, რომ ინტერნეტი იქნას შეყვანილი, ფონდი "ქართუ" მთლიანად აფინანსებს და ეს არის აბსოლუტური ქველმოქმედება, არანაირი ბიზნეს ინტერესი.ეს პროგრამა წინასწარი ხარჯთაღრიცხვით დაახლოებით 100 მილიონი დოლარი დაჯდება", - განაცხადა კვირიკაშვილმა.

როგორც პრემიერმა აღნიშნა, ეს არის საშვილიშვილო საქმე, ვინაიდან "ინფორმაციაზე წვდომა, ეს არის წინაპირობა, როგორც განათლების და ზოგადად თავისუფალი საზოგადოების ჩამოყალიბებისთვის და ამას აქვს სტრატეგიული მნიშვნელობაც".

"ძალიან კარგია, რომ ჩვენ მოკლე პირობაში შევძელით დაგვესტრუქტურებინა ეს პროექტი, რომ მაქსიმალურად ეფექტური ყოფილიყო ბევრი თვალსაზრისით", - განაცხადა პრემიერმა.

ცნობისთვის, მთავრობის ადმინისტრაციაში ამ წუთებში მთავრობის სხდომა მიმდინარეობს. მინისტრთა კაბინეტი დღეს 33 საკითხს განიხილავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი