ევროკომისიის პრეზიდენტი, ურსულა ფონ დერ ლაიენი ევროკავშირის ელჩების მიერ რუსეთის წინააღმდეგ სანქციების მე-17 პაკეტის დამტკიცების შესახებ შეთანხმების მიღწევას ეხმაურება და აცხადებს, რომ ბლოკი კრემლზე ზეწოლას შეინარჩუნებს.

„მივესალმები რუსეთის წინააღმდეგ ჩვენი სანქციების მე-17 პაკეტზე შეთანხმებას. ჩვენ კიდევ უფრო ვზღუდავთ საბრძოლო ტექნოლოგიებზე წვდომას. ასევე, ჩვენ სიაში შევიტანეთ ჩრდილოვანი ფლოტის კიდევ 189 ხომალდი, რუსეთის ენერგოექსპორტზე ზეგავლენის მოსახდენად. ეს ომი უნდა დასრულდეს. ჩვენ კრემლზე მაღალ ზეწოლას შევინარჩუნებთ“, - წერს ურსულა ფონ დერ ლაიენი სოციალურ ქსელში.

შეგახსენებთ, ევროკავშირის ელჩები რუსეთის წინააღმდეგ სანქციების მე-17 პაკეტის დამტკიცებაზე შეთანხმდნენ. სანქციების ახალი პაკეტის სამიზნეს, რომელსაც ევროკავშირი უახლოეს დღეებში დაამტკიცებს, რუსეთის „ჩრდილოვანი ფლოტი“ წარმოადგენს. ასევე, სანქციების მე-17 პაკეტი რუსეთის მიერ ადამიანის უფლებების დარღვევის, ქიმიური იარაღის გავრცელებისა და ჰიბრიდული საფრთხეების წინააღმდეგ შემზღუდველ ზომებს ითვალისწინებს.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება