რუსეთის პრეზიდენტი ვლადიმერ პუტინი ნიკოლას მადუროს შეხვდა, - ამის შესახებ ინფორმაციას რუსული მედია ავრცელებს. ვლადიმერ პუტინმა ვენესუელელ კოლეგას, ნიკოლას მადუროს მეორე მსოფლიო ომში გამარჯვების 80-ე წლისთავის აღსანიშნავად მოსკოვში ვიზიტისთვის მადლობა გადაუხადა.

„ჩვენი მეგობარი უგო ჩავესი ძალიან კარგად გვახსოვს. ის ბრწყინვალე ლიდერი იყო არა მხოლოდ თქვენი ქვეყნისთვის, არამედ მთელი ლათინური ამერიკისთვის. თქვენ ახლა მის საქმიანობას აგრძელებთ და ჩვენ ყველაფერს საუკეთესოს გისურვებთ“, - განაცხადა რუსეთის პრეზიდენტმა.

ნიკოლას მადურომ აღნიშნა, რომ ვენესუელისა და რუსეთის მეგობრობამ დროის გამოცდას გაუძლო.

რუსეთის პრეზიდენტის თანაშემწის, იური უშაკოვის ცნობით, დღეს, ვლადიმერ პუტინი და ნიკოლას მადურო რუსეთსა და ვენესუელას შორის სტრატეგიული პარტნიორობისა და თანამშრომლობის შეთანხმებას გააფორმებენ.

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა