რუსეთს სურს, რომ მოლდოვის ხელმძღვანელობა იმ ხალხით შეცვალოს, რომელთა კონტროლიც შეუძლია, - ამის შესახებ მოლდოვის პრეზიდენტმა, მაია სანდუმ ადგილობრივ მედიასთან ინტერვიუში განაცხადა.

„ჩვენ უპრეცედენტო ჩარევა გასულ წელსაც ვნახეთ და აშკარაა, რომ არჩევნების შედეგებზე გავლენის მოხდენას წელსაც შეეცდებიან. კრემლი ფსონს იმაზე დებს, რომ ქვეყნის ხელმძღვანელობა იმ ხალხით შეცვალოს, რომელთა კონტროლიც შეუძლია. ეს მხოლოდ მოლდოვას არ ეხება, რადგან რუსეთს ახლა უკრაინა აინტერესებს. თუ რუსეთი ძალაუფლებას ხელში ჩაიგდებს, მაშინ მოლდოვის რესპუბლიკას უკრაინის წინააღმდეგ გამოიყენებს“, - განაცხადა მაია სანდუმ.

მისი თქმით, იმის რისკი არსებობს, რომ რუსეთმა მოლდოვა ომში ჩაითრიოს.

„ჩვენ უკრაინასთან 1200კმ სიგრძის საზღვარი გვაქვს. წარმოიდგინეთ, რომ ერთ ღამეში მეგობარ ქვეყანასთან საზღვარი მოსკოვის მიერ კონტროლირებად ქვეყანასთან საზღვრად გადაიქცეს. რა თქმა უნდა, აქ რისკები უკრაინისთვის არსებობს, მაგრამ რისკები მოლდოვის რესპუბლიკისთვისაც იზრდება, რადგან ამ გზით რუსეთს მოლდოვის ომში ჩათრევა შეუძლია“, - აღნიშნა მოლდოვის პრეზიდენტმა.

ცნობისთვის, მოლდოვაში საპარლამენტო არჩევნები 28 სექტემბერს გაიმართება.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო