ნატო-ს გენერალური მდივნის, მარკ რუტეს განცხადებით, შეერთებული შტატები და ნატო ცდილობენ, უკრაინაში მიმდინარე ომი დაასრულონ და ამ ძალისხმევის ფარგლებში, შეერთებული შტატები ნამდვილად ცდილობს, ამას მიაღწიოს თუმცა, ბურთი ახლა რუსეთის მოედანზეა, რომელიც საკმარისს არ აკეთებს ცეცხლის შეწყვეტისთვის.

„არსებობს მცდელობა, რომ ეს ომი დასრულდეს და როგორც ამ ძალისხმევის ნაწილი, აშშ ნამდვილად ცდილობს. ახლა ბურთი აშკარად რუსების მოედანზეა. ისინი საკმარისად სწრაფად არ მოძრაობენ, ეს არის ჩემი შთაბეჭდილება, მათ შორის ის შთაბეჭდილება, რომელიც ჩემი ამერიკელი თანამოსაუბრეებისგან მაქვს, რომ რუსეთმა მართლაც მეტი უნდა გააკეთოს ამ ომის დასასრულებლად“, - აღნიშნა რუტემ CBS News-თან ინტერვიუში.

კითხვაზე, აშფოთებს თუ არა ის ფაქტი, რომ რუსეთი შეერთებულ შტატებს ცეცხლის შეწყვეტის პირობებს კარნახობს, რუტემ უპასუხა:

„არა, მე არ ვარ, რადგან მე ველაპარაკე მარკო რუბიოს, რეგულარულად მაქვს კონტაქტი ამერიკის ადმინისტრაციის სხვა წევრებთან. ვფიქრობ, ნამდვილად ცდილობენ, ნაბიჯ-ნაბიჯ მივიდნენ ისეთ სიტუაციამდე, სადაც ეს ომი შეიძლება დასრულდეს. მაგრამ, რა თქმა უნდა, რუსეთმა-რუსებმაც უნდა იცეკვონ ტანგო. ახლა არ ჩანს, რომ ისინი ამას აკეთებდნენ და მერე გაუჭირდებათ“, - აღნიშნა რუტემ.

მისი თქმით, ბოლო დროს ფრონტის ხაზი არასწორი მიმართულებით მოძრაობდა.

„ვიცით, რომ ეს ომი არასწორი მიმართულებით მიდიოდა. ეს კარგად არ დამთავრდებოდა, უკვე იმდენი ხალხი იღუპებოდა, ამიტომ მე ნამდვილად ვაფასებ ამერიკის ძალისხმევას“, - აღნიშნა რუტემ.

კითხვაზე, ფიქრობს თუ არა ნატო, რომ ვლადიმერ პუტინი არ განიხილავს უკრაინაში მისი შეჭრის დასრულებას, ალიანსის გენერალურმა მდივანმა უპასუხა :

„არ ვიცით. ვფიქრობ, ახლა ტესტია და უნდა ვნახოთ როგორი იქნება მისი რეაქცია ამერიკის წინადადებებზე“.

რუტეს თქმით, ცეცხლის შეწყვეტას შეიძლება იმაზე მეტი დრო დასჭირდეს, ვიდრე მათ სურთ.

„ამას, შესაძლოა, იმაზე მეტი დრო დასჭირდეს, ვიდრე გვსურს. მაგრამ ფაქტია, რომ ტრამპი ცდილობს, ის ასევე ცდის რუსებს, თუ რამდენად სერიოზულები არიან ისინი. უახლოეს კვირებში ვნახავთ, რამდენად შორს შეუძლია მას წასვლა და მე ამას მხარს ვუჭერ“, - აღნიშნა რუტემ.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო