რუსეთის ფედერაციასთან ომის, ან მისი მხრიდან ბალტიის ქვეყნების პოტენციური ოკუპაციის თავიდან ასაცილებლად საჭიროა რუსეთის შეკავება, - ამის შესახებ ლიეტუვის საგარეო საქმეთა მინისტრმა, კესტუტის ბუდრისმა კიევში ვიზიტისას განაცხადა.

ლიეტუვის საგარეო უწყების ხელმძღვანელს დაუსვეს შეკითხვა, როგორ აფასებს მისი ქვეყანა რუსეთის გეგმას ლიეტუვაზე თავდასხმის ან მისი დესტაბილიზაციის შესახებ და რამდენად რეალურია ბალტიის ქვეყნებზე რუსეთის თავდასხმის საფრთხე.

კესტუტის ბუდრისის თქმით, ნატო-ს ქვეყნების სადაზვერვო საზოგადოება მივიდა კონსენსუსამდე, რომ რუსეთი ნატო-სთვის გრძელვადიან პირდაპირ სამხედრო საფრთხეს წარმოადგენს. მან აღნიშნა, რომ რუსეთის ფედერაცია თავისი პოლიტიკური მიზნების მისაღწევად სამხედრო ძალას იყენებს.

„ეს პოლიტიკური მიზნები აშკარაა, რომელიც პუტინმა უკვე რამდენჯერმე გამოხატა. მან თქვა, რომ სურს, ამერიკელები არ იყვნენ ევროპაში, სურს დომინირება ევროპაში, სურს, რომ არც ლიეტუვა იყოს აყვავებული ქვეყანა“, - აღნიშნა მინისტრმა.

მისი თქმით, რუსეთის მხრიდან საფრთხე რეალური და გრძელვადიანია, ამიტომ აუცილებელია შეკავების უზრუნველყოფა, ვინაიდან რუსეთი მომავალშიც მეზობელ ქვეყნად დარჩება.

„რუსეთის ფედერაციასთან გვაქვს სამი ვარიანტი: ან ომი რუსეთთან, ან საფრთხე რუსეთისგან, ან ოკუპაცია. ამ უკანასკნელის თავიდან ასაცილებლად უნდა იყოთ ისეთ მდგომარეობაში, რომ შეძლოთ შეკავება. წინააღმდეგ შემთხვევაში თქვენ აღმოჩნდებით ომის პოზიციაში“, - განაცხადა მინისტრმა და დასძინა, რომ ლიეტუვა უკრაინის გრძელვადიან მხარდაჭერასა და ნატო-ში გაწევრიანებას რუსეთის შეკავების ნაწილად განიხილავს.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო