რუსეთსა და ჩინეთს შორის ურთიერთობები ურყევი და ძლიერია, პეკინი მხარს უჭერს მოსკოვს, - ამის შესახებ ჩინეთის საგარეო საქმეთა მინისტრმა, ვან იმ რუსულ მედიასთან ინტერვიუში განაცხადა.

„ჩინეთ-რუსეთის ყოვლისმომცველმა პარტნიორობამ და სტრატეგიული ურთიერთობამ საერთაშორისო ტურბულენტობის გამოცდას გაუძლო. ის ტაიშანის მთასავით ურღვევი და მტკიცეა. ჩვენ სრულად გვესმის და მხარს ვუჭერთ რუსეთს, რომელიც იცავს თავის ლეგიტიმურ უფლებებსა და ინტერესებს დიპლომატიური საშუალებებით“, - აღნიშნა ვან იმ.

მან რუსეთ-უკრაინის კონფლიქტზეც ისაუბრა და განაცხადა, რომ ჩინეთი მხარს უჭერს მისი მიზეზების აღმოფხვრას და თვლის, რომ სამშვიდობო შეთანხმება უნდა იყოს სამართლიანი, სავალდებულო და კონფლიქტის ყველა მხარისთვის მისაღები.

„მხარს ვუჭერთ კრიზისის მიზეზების აღმოფხვრას დიალოგისა და მოლაპარაკებების გზით და საბოლოო ჯამში სამართლიანი, ხანგრძლივი, სავალდებულო სამშვიდობო შეთანხმების მიღწევას, რომელიც მისაღები იქნება ყველა მონაწილე მხარისთვის, რაც შესაძლებელს გახდის ევრაზიაში და მთელ მსოფლიოში ჭეშმარიტად ხანგრძლივი მშვიდობისა და სტაბილურობის მიღწევას“, - აღნიშნა ვან იმ.

ცნობისთვის, ვან ი გუშინ, რუსეთის საგარეო საქმეთა მინისტრ სერგეი ლავროვის მიწვევით, ოფიციალური ვიზიტით რუსეთს ეწვია.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს