პოლონეთი მხარს უჭერს უკრაინის მისწრაფებებს ევროკავშირში გაწევრიანებისკენ,- ამის შესახებ პოლონეთის საგარეო საქმეთა მინისტრმა, რადოსლავ სიკორსკიმ უკრაინელ კოლეგა ანდრეი სიბიგასთან ერთად, ვარშავაში გამართულ პრესკონფერენციაზე განაცხადა.

სიკორსკის თქმით, უკრაინამ უნდა დაიბრუნოს თავისი ტერიტორიები საერთაშორისოდ აღიარებულ საზღვრებში.

„დავარწმუნე მინისტრი, რომ პოლონეთი მხარს დაუჭერს უკრაინის ევროკავშირში გაწევრიანების სწრაფ და შეუფერხებელ პროცესს. უკრაინის ევროკავშირში გაწევრიანება ჩვენი ქვეყნის სტრატეგიულ ინტერესებში შედის.

ომის დამთავრების შესახებ მოლაპარაკებების დაწყების შემთხვევაში, რაც ჩვენი აზრით, ამ დროისთვის არ მოხდება, თუ გადავხედავთ რუსეთის მზარდ სასტიკ თავდასხმებს, მათ შორის ახალი, სახიფათო იარაღის გამოყენებით, ნებისმიერი მომზადებული გამოსავალი უნდა იყოს დადასტურებული ჩვენი უკრაინელი მეგობრების მიერ. ამაში მათ პოლონეთი მხარს დაუჭერს“,- განაცხადა სიკორსკიმ.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა