ჩრდილოეთ კორეამ, უკრაინის წინააღმდეგ ომში მხარდასაჭერად, რუსეთში 3 000 სამხედრო გაგზავნა. ამის შესახებ ინფორმაციას Reuters-ი სამხრეთ კორეის სადაზვერვო სამსახურზე დაყრდნობით ავრცელებს.

როგორც სააგენტო წერს, ეს რიცხვი სამხრეთ კორეის ეროვნული სადაზვერვო სამსახურის გასული კვირის მონაცემებს  ორჯერ აღემატება. 

გასულ პარასკევს უწყებამ განაცხადა, რომ ჩრდილოეთ კორეამ რუსეთში გემით 1 500-მდე ჯარისკაცი გაგზავნა.

როგორც სამხრეთ კორეის პარლამენტის წევრებმა მედიას განუცხადეს, ფხენიანი რუსეთს სულ 10 000 სამხედროს გაგზავნას დაჰპირდა და მათი გაგზავნა დეკემბრისთვის უნდა დასრულდეს.

ჩრდილოკორეელი სამხედროების უკრაინის წინააღმდეგ ომში ჩასართავად გაგზავნას მოსკოვიც და ფხენიანიც უარყოფენ.

უკრაინის პრეზიდენტმა, ვოლოდიმირ ზელენსკიმ დასავლელ მოკავშირეებს მოუწოდა, რეაგირება მოახდინონ ომში ჩრდილოეთ კორეის ჩართულობის მტკიცებულებებზე.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია