„სოფლად მეწარმეობის განვითარების ხელშეწყობა" პროგრამის 2021 წლის გამარჯვებული ბენეფიციარები გამოვლინდნენ. ასევე, პროგრამის ფარგლებში დაფინანსებული მეწარმეების პროდუქციის გამოფენა მოეწყო. აჭარის მთავრობის თავმჯდომარე თორნიკე რიჟვაძე აჭარის სოფლის მეურნეობის მინისტრთან ერთად პროგრამის მონაწილე მეწარმეებს შეხვდა.

 ,,სოფლად მეწარმეობის მხარდაჭერა თითოეული მეწარმის, ფერმერის მხარდაჭერა არის ჩვენი მთავრობისთვის პრიორიტეტი. მოხარული ვარ, რომ უკვე ორი წელია, სოფლად მეწარმეობის მხარდაჭერის პროგრამა ეფექტურად და ძალიან წარმატებით ხორციელდება. 2 წლის ჭრილში გვყავს 30-ზე მეტი ბენეფიციარი, რომლებმაც მოახდინეს როგორც არსებული ბიზნესის მოდერნიზება, გაფართოება, ასევე გვაქვს ახალი წამოწყებები, ინიციატივები და მომავალშიც გავაგრძელებთ თითოეული ფერმერის, აგრომეწარმის მხარდაჭერას. მნიშვნელოვანია, რომ ყველა მუნიციპალიტეტში ინკლუზიურად ხდებოდეს სოფლის მეურნეობის განვითარება, იქმნებოდეს ახალი სამუშაო ადგილები და სოფლის მეურნეობა იყოს კიდევ უფრო მდგრადი" - განაცხადა თორნიკე რიჟვაძემ მეწარმეებთან შეხვედრისას.

აჭარის სოფლის მეურნეობის სამინისტროს აგროსერვის ცენტრის ,,სოფლად მეწარმეობის განვითარების ხელშეწყობის" პროგრამა 2 წელია მოქმედებს და მიზნად ისახავს მეწარმეების ხელშეწყობას, როგორც არსებული ბიზნესის გაფართოება/მოდერნიზირებას, ასევე ახალი ბიზნესის სტიმულირებას. მიმდინარე წელს „სოფლად მეწარმეობის ხელშეწყობა" საგრანტო პროგრამის ბიუჯეტი შეადგენს 1 175 219 ლარს. წელს 15 ბენეფიციარმა მოიპოვა აგროსერვის ცენტრის თანადაფინანსება, ხოლო 2020 წელს პროგრამით 18 ბენეფიციარმა ისარგებლა. პროგრამით ბენეფიციარის განაცხადის საინვესტიციო ღირებულების 70% ფინანსდება. პროექტის მიზანია სოფლად მცხოვრებ ფერმერთა ახალი სამუშაო ადგილების შექმნისთვის შესაბამისი პირობების უზრუნველყოფა, სამეწარმეო საქმიანობის განვითარება და მოსახლეობის ცხოვრების დონის გაუმჯობესება.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო