2021-02-15 12:28:32, 635 ნახვა

---

ამირან გამყრელიძე - ნოემბერთან შედარებით 10-ჯერ შემცირებული ინფიცირება დამშვიდების საფუძველს არ გვაძლევს

10-ჯერ ნაკლები დადასტურებული შემთხვევა, ვიდრე ნოემბერში, დამშვიდების საფუძველს არ გვაძლევს, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ბრიფინგზე განაცხადა.

მანვე მოუწოდა მოსახლეობას, რომ ყველა რეკომენდაცია, რომელიც გაცემულია იყოს გათვალისწინებული.

„ინციდენტობა, 7 და 14 დღიანი დადებითობის მაჩვენებელი, საწოლთა დატვირთვა, სიკვდილიანობა, ყველა ეს კომპონენტი დადებითი დინამიკით ხასიათდება, თუმცა არავითარი დამშვიდების საფუძველი არ არსებობს, იმიტომ რომ, ყოველდღიურად მაინც 300-400-500 შემთხვევა საქართველოსთვის მნიშვნელოვანია. 10-ჯერ არის შემცირებული ნოემბერთან მიმართებაში, მაგრამ ეს დამშვიდების საფუძველს არ გვაძლევს, ამიტომ ყველა რეკომენდაცია, რასაც მოსახლეობას ვეუბნებით, უნდა გავითვლისწინოთ და ვიყოთ ძალიან ფრთხილად“, -განაცხადა ამირან გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი