2025-08-01 12:21:08, 5495 ნახვა

---

აშშ-ის სენატის ასიგნებების კომიტეტმა უკრაინისთვის მილიარდი დოლარის ახალი დახმარება დაამტკიცა

 აშშ-ის სენატის ასიგნებების კომიტეტმა დაამტკიცა კანონპროექტი, რომელიც უკრაინისთვის უსაფრთხოებისთვის დაახლოებით 1 მილიარდი დოლარის გამოყოფას ითვალისწინებს. ამის შესახებ The Hill იტყობინება.

გამოცემა იუწყება, რომ დაფინანსება 2026 ფისკალური წლის თავდაცვის ასიგნებების კანონპროექტში იყო გათვალისწინებული.

ინიციატივა სენატორებს მიჩ მაკკონელს (რესპუბლიკელი კენტუკიდან) და კრის კუნსს (დემოკრატი დელავერიდან) ეკუთვნის. ჟურნალისტების თქმით, კანონპროექტი კომიტეტმა 26 ხმით 3-ის წინააღმდეგ დაამტკიცა.

კომიტეტის მიერ დამტკიცებული სიახლე უკრაინისთვის უსაფრთხოების დახმარებისთვის 800 მილიონ დოლარს და ბალტიისპირეთის ქვეყნებისთვის ანალოგიური მხარდაჭერისთვის 225 მილიონ დოლარს მოიცავს.

კუონსმა ადრე ჟურნალისტებს განუცხადა, რომ ბალტიისპირეთის ქვეყნების - ლიტვის, ლატვიისა და ესტონეთის - დაფინანსება, სავარაუდოდ, უკრაინის თავდაცვაში ინვესტიციებისკენაც მოხმარდება და დასძინა, რომ ამგვარად, კიევისთვის განკუთვნილი მთლიანი თანხა 1 მილიარდ დოლარს მიაღწევს, იტყობინება The Hill.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი