ქადაგიძე: მზად ვართ, ნებისმიერ დროს გამოვცხადდეთ პარლამენტში და აქტუალურ საკითხებზე ვისაუბროთ

2015-07-15 14:39:24, 567 ნახვა

ეკონომიკა

ეროვნული ბანკის პრეზიდენტის, გიორგი ქადაგიძის განცხადებით, იგი მზადაა, ნებისმიერ დროს წარსდგეს პარლამენტში ანგარიშით და ქვეყნისთვის აქტუალურ საკითხებზე ისაუბროს.

ასე უპასუხა ქადაგიძემ ჟურნალისტების მიერ დასმულ კითხვას, თუ რატომ არ მომხდარა პარლამენტში ეროვნული ბანკის ანგარიშის წარდგენა და რატომ ხდება ამ მიმართულებით რეგლამენტის დარღვევა.

„ეს კითხვა ალბათ უფრო პარლამენტის წევრებს ეხებათ. ჩვენ მზად ვართ, ნებისმიერ დროს გამოვცხადდეთ პარლამენტში, მიუხედავად იმისა, რომ სამმა კომიტეტმა ჩვენს ანგარიშს უარყოფითი დასკვნა მისცა და ვფიქრობ, რომ სავსებით არაობიექტურად ჩვენ პატივს ვცემთ კანონს, კონსტიტუციას და ნებისმიერ დროს, როგორც კი დაგვიძახებენ, მზად ვართ პარლამენტში მივიდეთ და ვისაუბროთ ყველა საკითხზე, რომელიც აქტუალურია ჩვენი ქვეყნისთვის და მოსახლეობისთვის“, - განაცხადა გიორგი ქადაგიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან