2015-07-09 16:04:40, 563 ნახვა

---

ოთარ დანელია: სამხრეთ კორეის მხრიდან ქართული ღვინის ექსპორტთან დაკავშირებით ინტერესი იზრდება

სამხრეთ კორეის მხრიდან ქართული ღვინის ექსპორტთან დაკავშირებით ინტერესი იზრდება, - ამის შესახებ მთავრობის სხდომის დასრულების შემდეგ ჟურნალისტებს სოფლის მეურნეობის მინისტრმა ოთარ დანელიამ განუცხადა.

მისი განმარტებით, საქართველოს მთავრობა მზადაა ამ პროცესს ხელი შეუწყოს.

"სამხრეთ კორეაში ღვინის ექსპორტი საქართველოდან ახლაც ხორციელდება. რაოდენობა არ არის ძალიან დიდი, დაახლოებით 50 ათასი ბოთლი, თუმცა ინტერესი იზრდება. ძალიან ბევრი ტრეიდერი მოდის და ინტერესდება ქართული ღვინით. შესაბამისად, ჩვენ ამ მიმართულებით ვმუშაობთ და ხელს შევუწყობთ ამ ურთიერთობის გაღრმავებას", - განაცხადა ოთარ დანელიამ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი