პოლიციის ფუნქციები, შესაძლოა, გაფართოვდეს. 

ცვლილებას „პოლიციის შესახებ" კანონპროექტი  ითვალისწინებს, რომელიც პარლამენტშია ინიცირებული. 

პროექტის თანახმად, პოლიციის ფუნქციებს დაემატება საექსპერტო–კრიმინალისტური საქმიანობა და დანაშაულის ჩადენისთვის დაკავებულ პირთა, აგრეთვე ადმინისტრაციული წესით დაკავებულ და დაპატიმრებულ პირთა დროებითი მოთავსების იზოლატორში განთავსება.

ამასთან, პოლიციას საკანონმდებლო დონეზე განესაზღვრება შესაბამისი ფარული საგამოძიებო მოქმედებების განხორციელების უფლებამოსილება. კერძოდ, ელექტრონული თვალყურის დევნება ტექნიკური საშუალებებით, აგრეთვე  ფარული ვიდეო და აუდიო ჩაწერა, კინო და ფოტოგადაღება, რომელთა გამოყენება ადამიანის სიცოცხლეს, ჯანმრთელობას და გარემოს ზიანს არ მიაყენებს. 

კანონით გათვალისწინებული ცვლილება ასევე განსაზღვრავს პოლიციის საერთაშორისო თანამშრომლობას, რომლის ძირითადი ამოცანა იქნება საერთაშორისო მასშტაბით დანაშაულის შესახებ ინფორმაციის შეგროვება და მის წინააღმდეგ ბრძოლა, ამ მიზნით მჭიდრო თანამშრომლობა სხვა სახელმწიფოების შესაბამის სამსახურებსა და ინტერპოლის გენერალურ სამდივნოსთან. 

აქვე, პოლიციის ფუნქციებში აღარ შევა ბუნებრივი გაზით მომარაგების შეწყვეტის, შეზღუდვის ან/და წნევის დასაშვები ნორმებიდან გადახრის (ცვალებადობის), აგრეთვე სასმელი წყლით მომარაგების შეწყვეტის ან/და წნევის ცვალებადობის შესახებ შეტყობინების მიღებისა და შესაბამისი უფლებამოსილ სუბექტებზე განაწილება. 

კანონპროექტის ინიციატორი საქართველოს მთავრობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა