ე.წ. სამხრეთ ოსეთის დე-ფაქტო პარლამენტის "თავმჯდომარედ" რუსული ტელეკომპანია НТВ-ის ყოფილი კორესპონდენტი პეტრე გასიევი აირჩიეს, - ამის შესახებ ადგილობრივი მედია იუწყება.

მედია საშუალების ინფორმაციით, რუსი ჟურნალისტი 2008 წლის ომს აქტიურად აშუქებდა. საომარი მოქმედებების გაშუქების გამო, რუსეთის იმ დროინდელმა პრეზიდენტმა დიმიტრი მედვედევმა გასიევი სპეციალური ორდენით დააჯილდოვა.

ცნობისთვის, 2012 წელს იგი ოკუპირებული ცხინვალის რეგიონში პარტია Единая Осетия-ს შექმნაში მონაწილეობდა და ე.წ. პოლიტსაბჭოს წევრიც იყო. დე-ფაქტო პარლამენტში ე.წ. თვითმმართველობისა და კანონშემოქმედებითი მიმართულებით მუშაობდა. ანატოლი ბიბილოვის დე-ფაქტო პრეზიდენტად არჩევის შემდეგ ე.წ. პარლამენტში სპიკერის პოსტი ვაკანტური დარჩა, რის გამოც ე.წ. ფრაქციამ გასიევის კანდიდატურა წარადგინა. 

ადგილობრივი მედიის ინფორმაციით, მას მხარი დე-ფაქტო პარლამენტის ე.წ. უმრავლესობამ დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა