აჭარის ფსიქიატრიულ საავადმყოფოში ქალთა და მამაკაცთა განყოფილებაში თანამედროვე ტიპის საიზოლაციო ოთახები მოეწყო.

რეაბილიტირებული სივრცე აჭარის ჯანდაცვის მინისტრმა, ზაალ მიქელაძემ და მინისტრის პირველმა მოადგილემ, ლელა სურმანიძემ საკანონმდებლო ორგანოს წარმომადგენლებთან ერთად მოინახულეს.

„ფსიქიატრიული საავადმყოფოს არასათანადო და შეუსაბამო საიზოლაციო პალატები სახლხო დამცველის ანგარიშში არაერთხელ მოხვდა. მოხარული ვარ, რომ ინვესტორებმა კლინიკის შეძენისთანავე დაიწყეს პაციენტებისათვის ღირებული გარემოს შექმნა“, - აღნიშნა მინისტრმა ზაალ მიქელაძემ.

მინისტრის განმარტებით, სამინისტრო განიხილავს მუნიციპალიტეტებში მობილური ჯგუფების გასვლის დაფინანსების საკითხს: „ბენეფიციარები, რომლებიც მანძილის გამო ვერ ახერხებენ დაწესებულებაში ვიზიტს, კლინიკის წარმომადგენლები მათ თავად ეწვევიან. რადგან ზოგიერთი პაციენტი საჭიროებს მედიკამენტების ყოველდღურ მიღებას, წყვეტილობის თავიდან აცილების მიზნით, ვფიქრობთ დავაფინანსოთ მობილური ჯგუფების მუნიციპალიტეტებში გასვლა“.

აჭარის ჯანდაცვის სამინისტროს ცნობით, პროექტის ფარგლებში კეთილმოეწყო ბიბლიოთეკა და პაციენტთათვის მოსასვენებელი ოთახი. გარემონტდა და ახალი მაღალტექნოლოგიური სამრეცხაო დანადგარები დამონტაჟდა სამრეცხაო ოთახში. საავადმყოფოს წლების განმავლობაში პრაქტიკულად არ გააჩნდა ავტომობილი, რადგან მწყობრიდან გამოსული, ძველი მანქანა შესაბამის დანიშნულებას ვერ ასრულებდა. ამიტომ საინვესტიციო ხარჯით შესყიდული იქნა „ფორდ ტრანზიტი“, რომელსაც კლინიკა საჭიროების შემთხვევაში პაციენტების გადასაადგილებლად და სხვა ამბულატორიული მომსახურეობისთვის გამოიყენებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა