საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე ლატვიის ეროვნული გვარდიის მეთაურს, ბრიგადის გენერალ ლეონიდას კალნინშს შეხვდა.

მხარეებმა საქართველოსა და ლატვიას შორის სამხედრო სფეროში თანამშრომლობის საკითხები განიხილეს და საქართველოსა და ლატვიის ეროვნული გვარდიების თანამშრომლობის სამომავლო გეგმებზეც ისაუბრეს. გენერალ-მაიორმა ვახტანგ კაპანაძემ ვარშავის სამიტსა დასაქართველოს ევრო-ატლანტიკური ინტეგრაციის პერსპექტივებზე გაამახვილა ყურადღება. მხარეებმა ერთობლივი წვრთნების ჩატარების შესაძლებლობებსა და კიბერუსაფრთხოების სფეროში გამოცდილების გაზიარების საკითხებზეც იმსჯელეს.

გენერალური შტაბის უფროსთან შეხვედრას საქართველოს ეროვნული გვარდიის უფროსი, ბრიგადის გენერალი ლევან გამყრელიძე და საქართველოში ლატვიის თავდაცვის ატაშე, ვიცე-პოლკოვნიკი იანის დრეიმანისი დაესწრნენ.

ორდღიანი ვიზიტის ფარგლებში, ბრიგადის გენერალი ლეონიდას კალნინში თავდაცვის უწყების წარმომადგენლებს შეხვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა

აშშ-მ და ირანმა ომის დასრულების შესახებ შეთანხმებას ვერ მიაღწიეს

უნგრეთის საპარლამენტო არჩევნებში ხმის მიცემა დაიწყო

დღეს აღდგომაა - ქრისტე აღდგა!