2016-03-16 14:33:43, 1014 ნახვა

---

იემენში ამბოხებულების წინააღმდეგ ავიაიერიშების შედეგად 41 ადამიანი გარდაიცვალა, 75 დაშავებულია

იემენში ამბოხებულების წინააღმდეგ საუდის არაბეთის კოალიციის მიერ განხორციელებული ავიაიერიშების შედეგად 41 ადამიანი გარდაიცვალა, ხოლო 75 დაშავდა, - ამის შესახებ BBC იუწყება.

როგორც მედიასაშუალება თვითმხილველებზე დაყრდნობით იუწყება, ქვეყნის ჩრდილოეთ რეგიონში, კერძოდ კი ჰადჯის პროვინციაში რესტორანი და ხალხმრავალი ბაზრის ტერიტორია დაიბომბა.

მაშველების თქმით, მსხვერპლთა რიცხვი შესაძლოა, გაიზარდოს. აღნიშნული ავიერიში ბოლო ერთი წლის განმავლობაში მიმდინარე კონფლიქტის დროს ყველაზე მასშტაბურია.

ცნობისთვის, ჰადჯის ტერიტორიას ჰუსიტი ამბოხებულები აკონტროლებენ. მათ ქვეყნის ტერიტორიების დაკავება გასულ წელს დაიწყეს. მათ წინააღმდეგ ბრძოლაში იემენს საუდის არაბეთის კოალიცია ეხმარება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი