ქედის მუნიციპალიტეტმა, საქართველოს მთავრობის მხარდაჭერით და აჭარის ბიუჯეტიდან მიღებული კაპიტალური ტრანსფერით, მაღალი გამავლობის, თანამედროვე სტანდარტების შესაბამისი ნაგავმზიდი შეიძინა, რომელიც დღეს, მუნიციპალიტეტის მერმა, როლანდი ბერიძემ საკრებულოს თავმჯდომარესთან, ამირან ცინცაძესთან ერთად, ქედის კომუნალურსერვის გადასცა. ამის შესახებ ინფორმაციას ქედის მუნიციპალიტეტის მერია ავრცელებს.

მერიის ცნობით, ახალი ნაგავმზიდი მანქანით საყოფაცხოვრებო ნარჩენების გატანა ყოველდღიურად იქნება შესაძლებელი, რომელიც ათივე ადმინისტრაციულ ერთეულს მოიცავს.

„დღემდე, საყოფაცხოვრებო ნარჩენების გატანას ორი ერთეული ნაგავმზიდი ახორციელებდა. აღსანიშნავია, რომ ქედაში 64 - ვე სოფელში განთავსებულია ნაგავშემკრები კონტეინერები, რომლის განახლება და ახლით ჩანაცვლება ყოველწლიურად მიმდინარეობს და მიმდინარე წელს, მუნიციპალიტეტის მერია 40 - მდე ახალ ნაგავშემკრებ კონტეინერს შეიძენს.

10.5 კუბური მეტრი ტევადობის, ახალი თვითვმცლელი IVECO-ს მარკის ნაგავმზიდის შესაძენად ბიუჯეტიდან 430 630 ლარი დაიხარჯა“, - აღნიშნულია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა