2023-07-07 09:54:34, 1146 ნახვა

---

როლანდ ბერიძემ სოფელ კოკოტაურში მცხოვრებ ქალბატონ ნესიხე ხალვაშს 100 წლის იუბილე მიულოცა

ქედის მუნიციპალიტეტის მერმა როლანდ ბერიძემ, ადგილობრივი თვითმმართველობის წარმომადგენლებთან ერთად სოფელ კოკოტაურში მცხოვრებ ქალბატონ ნესიხე ხალვაშს 100 წლის იუბილე მიულოცა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

მათი ცნობით, ნესიხე ხალვაში 1923 წელს სოფელ გოგიაშვილებში დავითაძეების ოჯახში დაიბადა, 29 წლის ასაკში დაოჯახდა. ჰყავს 4 შვილი, 7 შვილიშვილი და 6 შვილთაშვილი. 

"ქედის მუნიციპალიტეტში ორი 100 წლის და ერთი 100 წელს გადაცილებული უხუცესი ქალბატონი ცხოვრობს.

ქედის მუნიციპალიტეტის მერია ულოცავს უხუცეს ქალბატონს 100 წლის იუბილეს, ჯანმრთელობას და დღეგრძელობას უსურვებს"- აღნიშნულია ქედის მუნიციპალიტეტის მერიის ინფორმაციაში.  

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი