112-თან დაკავშირების უზრუნველყოფის პროექტის ფარგლებში შშმ პირებისთვის ტრენინგი ტარდება

2015-02-05 10:20:36, 402 ნახვა

საზოგადოება

შინაგან საქმეთა სამინისტროს აკადემიაში, ჰოლანდიიდან მოწვეული ექსპერტი ალექსანდრე ბოუსემა „112“-ის თანამშრომლებისათვის ტრენინგს ატარებს.

უწყების ცნობით, აღნიშნული ტრენინგი შეზღუდული შესაძლებლობების მქონე პირებისთვის მოკლე ტექსტური შეტყობინებისა და ვიდეო ზარის საშუალებით „112“-თან დაკავშირების პროექტის ფარგლებში ტარდება.

ჰოლანდიიდან მოწვეული ექსპერტი ალექსანდრე ბოუსემა, სამი დღის განმავლობაში, 112-ის თანამშრომლებსა და ჟესტების ენის მცოდნე ოპერატორებს ტრენინგს ჩაუტარებს პროექტის პროცედურულ საკითხებთან დაკავშირებით, რაც გადაუდებელი დახმარების შესახებ მოკლე ტექსტური შეტყობინებისა და ვიდეო ზარის საშუალებით დაკავშირებას ითვალისწინებს. ტრენინგზე ასევე განიხილეს ეფექტური კომუნიკაციის წარმოების გზები სმენადაქვეითებულ პირებისთვის.

ტრენინგის მონაწილეებს ალექსანდრე ბოუსემამ საერთაშორისო პრაქტიკა და ევროპაში არსებული მოდელები გაუზიარა. პროექტი გაეროს განვითარების პროგრამის (UNDP), შვედეთის საერთაშორისო განვითარებისა და თანამშრომლობის სააგენტოს (SIDA) ხელშეწყობით ხორციელდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან