EBRD–ის ბიზნესფორუმზე დაგეგმილ საინვესტიციო ღონისძიებას ამერიკული ტელეკომპანია CNN–ის ჟურნალისტი მოდერაციას გაუწევს. 

ამის შესახებ ჟურნალისტებს, ეკონომიკის მინისტრის მოადგილე ქეთევან ბოჭორიშვილმა განუცხადა. 

მისივე თქმით, აღნიშნულ ღონისძიებას საქართველოს პრემიერ–მინისტრი და EBRD–ის პრეზიდენტი გახსნიან. 

„CNN–ის ჟურნალისტი კონკრეტულად ამ ღონისძიებისთვის და საქართველოს პოტენციალზე სასაუბროდ ჩამოდის. ის ამ ღონისძიებას როგორც წარუძღვება, ასევე  გააშუქებს“, – აღნიშნა ბოჭორიშვილმა. 

გარდა ამისა,  ბოჭორიშვილის თქმით, ფორუმის ფარგლებში არაერთი ღონისძიება იგეგმება.  ქართველი მეწარმეების მიერ გამოფენა – გაყიდვა გაიმართება.

„ეს იქნება სხვადასხვა მიმართულებით, როგორიცაა ღვინო, ყველი და სხვა პროდუქცია. ჩვენ ჩვენი ნაწარმის პოპულარიზაციას მოვახერხებთ. მუდმივად მოხდება ტურისტული ადგილების პოპულარიზაცია, რათა ჩვენ სტუმრებს მოვაწონოთ და დავაინტერესოთ ჩვენი ქვეყანა, როგორც ზაფხულში, ასევე ზამთარში“, – აღნიშნა მინისტრის მოადგილემ. 

ბოჭორიშვილის ინფორმაციით, მზადდება საინვესტიციო კატალოგი, სადაც ყველა კერძო სექტორის წარმომადგენელს შეუძლია, თავისი გამზადებული პროექტი შეიტანოს, რომელიც ბიზნესწრეებში გავრცელდება. 

„ეს კი მიზანმიმართულია, რათა კიდევ უფრო კონკრეტული პროექტებით დავაინტერესოთ, კონკრეტული ორმხრივი შეხვედრები განხორციელდეს ამ ვიზიტის ფარგლებში“, – განაცხადა ქეთევან ბოჭორიშვილმა. 
მისივე თქმით, ამ ბინესფორუმზე ცნობილი ბიზნესმენები საქართველოს შესახებ პრეზენტაციას გააკეთებენ. 

„მსოფლიო რუკაზე ამ მიმართულებით საქართველო კიდევ უფრო წარმოჩნდება“, – აღნიშნა ბოჭორიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ