მღებრიშვილი: 1 წლის განმავლობაში უკანონო ბრუნვიდან 37 კგ კოკაინი, 181 კგ ჰეროინი და 15 კგ ფსიქტროპული ნივთიერებები ამოვიღეთ

2016-11-24 12:16:38, 1674 ნახვა

სამართალი კომენტარი

შინაგან საქმეთა მინისტრობის კანდიდატის გიორგი მღებრიშვილის განცხადებით, გასული 1 წლის განმავლობაში სამართალდამცავებმა უკანონო ბრუნვიდან 37 კგ კოკაინი, 181 კგ ჰეროინი და 15 კგ ფსიქოტროპული ნივთიერებები ამოიღეს.

როგორც მღებრიშვილმა პარლამენტში გაერთიანებული კომიტეტების სხდომაზე აღნიშნა, უკანონო ბრუნვიდან ასევე ამოღებულია 1482 ცეცხლსასროლი იარაღი.

„ერთი წლის განმავლობაში, უკანონო ბრუნვიდან ამოვიღეთ 37 კგ კოკაინი, 181 კილოგრამი ჰეროინი, რომლის უდიდესი ნაწილი ტრანზიტისთვის იყო განკუთვნილი. ასევე, 15 კგ ფსიქოტროპული ნივთიერებები და სხვადასხვა დასახელების სხვადასხვა ნარკოტიკი“,-განაცხადა მღებრიშვილმა.

მანვე აღნიშნა, რომ მეცხრე მოწვევის პარლამენტი „საგზაო მოძრაობის შესახებ“ კანონპროექტს დაამტკიცებს.

მღებრიშვილმა დასძინა, რომ შინაგან საქმეთა სამინისტროსთვის საგზაო მოძრაობის უსაფრთხოება პრიორიტეტად რჩება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან