თავდაცვის სამინისტროსა და ახალგაზრდულ ორგანიზაციებს შორის მემორანდუმი გაფორმდა

2016-05-06 14:48:16, 699 ნახვა

სამხედრო

საქართველოს თავდაცვის სამინისტრო, „საზოგადოებრივი ორგანიზაცია აისი“ და „გენერალ გიორგი მაზნიაშვილის სახელობის ახალგაზრდული ლეგიონი“ ახალგაზრდებში სამხედრო-სამოქალაქო თავდაცვის საკითხებზე ცნობიერების ამაღლებაზე ერთობლივად იზრუნებენ.

როგორც „ექსპრესნიუსს“ თავდაცვის სამინისტროდან აცნობეს, თავდაცვის სამინისტროსა და ახალგაზრდულ ორგანიზაციებს შორის ურთიერთთანამშრომლობის მემორანდუმი დღეს გაფორმდა.

მათივე ცნობით, დოკუმენტს ხელი ეროვნული გვარდიის სარდალმა, ბრიგადის გენერალმა ლევან გამყრელიძემ და ახალგაზრდული ორგანიზაციების ხელმძღვანელმა პირებმა მოაწერეს. მემორანდუმი ორგანიზაციებს შორის ურთიერთთანამშრომლობის სურვილის საფუძველზე შეიქმნა.

მემორანდუმის თანახმად, სამხედრო-სამოქალაქო თავდაცვით საკითხებში ახალგაზრდა თაობის ცოდნის ამაღლების მიზნით, დაიგეგმება და განხორციელდება სხვადასხვა სახის ღონისძიებები, ორმხრივი შეხვედრები, დიალოგები და კონსულტაციები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან