სომხეთის საგარეო საქმეთა სამინისტრო მთიანი ყარაბაღის დამოუკიდებლობის აღიარების შესახებ კანონპროექტთან დაკავშირებით განმარტებებს აკეთებს, - ამის შესახებ რუსული მედია იტყობინება.

უწყების მიერ გავრცელებულ განცხადებაში ნათქვამია, რომ მთავრობის სხდომაზე მიღებული დასკვნა კანონპროექტთან დაკავშირებით ინიციტივის დამტკიცებას არ ნიშნავს.

როგორც სომხეთის საგარეო საქმეთა სამინისტროს განცხადებაშია აღნიშნული, სომხეთს არაერთხელ განუმარტავს, თუ რა შემთხვევაში აღიარებს მთიანი ყარაბაღის დამოუკიდებლობას.

“ასეთ მნიშვნელოვანი გადაწყვეტილების მიღების შემთხვევაში სომხეთის პრეზიდენტი წინასწარ აცნობებს თავის კოლეგებს, უპირველეს ყოვლისა ეუთო-ს მინსკის ჯგუფის თანათავმჯდომარე ქვეყნების ხელმძღვანელებს”, - ნათქვამია სომხეთის საგარეო უწყების განცხადებაში.

ამავე დროს, სამინისტრო იმედს გამოთქვამს, რომ აზერბაიჯანი “აპრილის დასაწყისში მომხდარი ავანტიურის გამეორებას თავიდან აიცილებს”.

შეგახსენებთ, რომ მთიანი ყარაბაღის დამოუკიდებლობის აღიარების კონოპროექტი სომხეთის პარლამენტის ოპოზიციური პარტიის “მემკვიდრეობის წევრის” ზარუი პოსტანჯიანისა და ქვეყნის ყოფილი პრემიერის გრანტ ბაგრატიანის მიერაა შემუშავებული.

5 მაისის სხდომაზე სომხეთის მთავრობამ მთიანი ყარაბაღის დამოუკიდებლობის აღირების შესახებ კანონპროექტთან დაკავშირებით დასკვნა მიიღო და ის განსახილველად პარლამენტს გადაუგზავნა. 10 მაისს სომხეთის პარლამენტის რიგგარეშე სხდომა გაიმართება, თუმცა აღნიშნული საკითხი დღის წესრიგში შეტანილი არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი