ოლიგარქ ივანიშვილის საგარეო საქმეთა მინისტრმა მაკა ბოჭორიშვილმა სამთავრობო-პროპაგანდისტულ "იმედი LIVE" - ის ეთერში უვიზო მიმოსვლის საკითხზე ისაუბრა და აღნიშნა, რომ ევროკავშირთან დაკავშირებული თემები ბოლო პერიოდში პოლიტიკურ იარაღად გამოიყენება:

„ახლა წარმოიდგინეთ, არჩევნები დასრულდა. ჩვენ ხომ ვხედავთ, რომ ევროინტეგრაცია და ყველაფერი, რაც ევროკავშირთან არის დაკავშირებული, გამოიყენება პოლიტიკურ იარაღად. ესე იყო კანდიდატის სტატუსის შემთხვევაში, ესე ვნახეთ შემდგომ გაგრძელება და ახლა მივედით უვიზო მიმოსვლამდე." - აღნიშნა საგარეო საქმეთა მინისტრმა.

მისივე თქმით, ამ პროცესების უკან ქვეყნის შიგნით მღელვარების გამოწვევის მცდელობა დგას:
„ნუ დავმალავთ, რომ ეს ყველაფერი არის გამიზნული იმისთვის, რომ გარკვეული მღელვარება შეიქმნას ჩვენს ქვეყანაში. არავის დაუმალავს, რომ კანდიდატის სტატუსის არ მინიჭება მაშინ სწორედ იმისთვის იყო, რომ მღელვარება გამოეწვია ჩვენს ქვეყანაში და ეს ყველაფერი ხელისუფლებისთვის დაებრალებინათ." - განმარტა მინისტრმა.

რაც შეეხება უვიზო მიმოსვლის საკითხს, მინისტრი აღნიშნავს, რომ ევროკავშირის მხრიდან შესაძლოა რთული გადაწყვეტილება იქნეს მიღებული:
„ახლა ეს საკითხი დარჩა "უვიზო მიმოსვლა", თუ ბრიუსელი ამ მძიმე გადაწყვეტილებას მიიღებს, რომ დასაჯოს ქართველი ხალხი დემოკრატიისთვის, იმისთვის, რომ მან გააკეთა ის არჩევანი, რაც გააკეთა - ეს ბრიუსელის კისერზე იქნება, რამდენად შეძლებს ამ მძიმე გადაწყვეტილების მიღებას, იმედი მაქვს, ეს მიმართულება ბრიუსელში ვერ გაიმარჯვებს."

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი