ისრაელმა ღაზაში ჩატარებული ოპერაციის შედეგად „ჰამასის“ მიერ გატაცებული ორი მძევლის ცხედარი დაიბრუნა, - ამის შესახებ ინფორმაციას სააგენტო Reuters-ი ისრაელის პრემიერ-მინისტრზე, ბენიამინ ნეთანიაჰუზე დაყრდნობით ავრცელებს.

„ჩვენ არ მოვისვენებთ მანამ, სანამ ყველა მძევალს სახლში არ დავაბრუნებთ, როგორც ცოცხლებს, ისე გარდაცვლილებს“, - განაცხადა ბენიამინ ნეთანიაჰუმ.

ბენიამინ ნეთანიაჰუს ცნობით, ისრაელმა „ჰამასის“ მიერ 2023 წლის 7 ოქტომბერს გატაცებული ცოლ-ქმრის, გადი ჰაგაისა და ჯუდი ვაინშტინის ცხედრები ისრაელის თავდაცვის ძალებისა და უსაფრთხოების სამსახურის, „შინ ბეთის“ მიერ ღაზის სექტორის ხან იუნისის რაიონში ჩატარებული ერთობლივი ოპერაციის შედეგად დაიბრუნა.

ისრაელის თავდაცვის ძალების განცხადებით, „ჰამასის“ ტყვეობაში 56 მძევალი რჩება, რომელთა შორის, სულ მცირე, 33 გარდაცვლილია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი