ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე ნატოს გენერალური მდივნის მოადგილეს ალექსანდრ ვერშბოუს შეხვდა.

შეხვედრა მთავრობის  ადმინისტრაციაში გაიმართა.

როგორც შეხვედრის დასრულების შემდეგ გამართულ ერთობლივ ბრიფინგზე ალექსანდრ ვერშბოუმ განაცხადა, საქართველო ნატო-ს შესანიშნავი პარტნიორია.

„მოხარული ვარ, რომ საქართველოში ვიმყოფები. ნამდვილად კარგი დასაწყისია შეხვედრების. საქართველო ნატო-ს შესანიშნავი პარტნიორია და ეს ნათელია. ჩვენ შეხვედრაზე ბევრი საკითხი განვიხილეთ, მათ შორის რეგიონში არსებული ვითარება“, - განაცხადა ვერშბოუმ.

„ძალიან პროდუქტიული და მნიშვნელოვანი შეხვედრა შედგა ნატო-ს გენერალური მდივნის მოადგილესთან. ჩვენ არსებითი ღონისძიების პაკეტის, ანუ იმპლემენტაციის მიმდინარეობის საკითხი განვიხილეთ. აღნიშნული საკითხი ასევე განხილული იქნება თავდაცვის მინისტრთან. ეს საკითხი 5 თებერვლას, ბრიუსელში, თავდაცვის მინისტრიალზეც იქნება განხილული. ჩვენ შევეხეთ იმ გამოწვევებს, რომელიც გააჩნია საქართველოს. საქართველოს ნატო-ს სრული მხარდაჭერა აქვს. შეხვედრაზე ასევე უკრაინაში არსებულ ვითარებასაც შევეხეთ“, - განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს