იური ვაზაგაშვილის გარდაცვალების ადგილს ექსპერტები კიდევ ერთხელ დაათვალიერებენ. 

ამის შესახებ ჟურნალისტებს ადვოკატმა ირმა ჭკადუამ განუცხადა. 

მისივე თქმით, მეტი მტკიცებულებების მოსაპოვებლად,  ვაზაგაშვილის ცხედარი ძირფესვიანად უნდა გამოიკვლიონ. 

„ეს არის ძალიან მნიშვნელოვანი ეტაპი, როდესაც შემთხვევის ადგილი ძირფესვიანად უნდა იყოს შესწავლლი. ასევე გამოკვლეული უნდა იყოს ცხედარი, რადგან მასზე ყველაზე მეტი მტკიცებულებებია, თუ რა მანძილიდან რა დროს და როგორ იქნა იმ ნაღმის თუ ჭურვის აფეთქება. შესაძლებელია, დამატებით დღეს ისევ დათვალიერდეს შემთხვევის ადგილი“, – აღნიშნა ჭკადუამ. 

ადვოკატის ინფორმაციით, ექსპერტიზის პარალელურად, დაიწყება მოწმეების ინტენსიური დაკითხვა. 
ცნობისთვის, იური ვაზაგაშვილის ცხედარი თბილისში გუშინ ჩამოასვენეს და მის ცხედარს ექეპერტიზა 10 საათის განმავლობაში უტარდებოდა. 

შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს.ყარაფილას სასაფლაოზე, სამართალდამცავები მთელი ღამის განმავლობაში იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება

SOLO-ს მხარდაჭერით, თბილისი თანამედროვე ხელოვნების პირველ საერთაშორისო აუქციონს უმასპინძლებს

ადამიანის უფლებათა კომისარს მოუწოდეს გამოიძიოს ივანიშვილის რეჟიმის პრაქტიკა, გააშიშვლონ პატიმარი ქალები