ავღანეთში, ბაგრამის საავიაციო ბაზაზე დაჯილდოების ცერემონიალი გაიმართა.
თავდაცვის სამინისტროს ინფორმაციით,  საქართველოს შეიარაღებული ძალების V ქვეითი ბრიგადის 51-ე ბატალიონის სამხედრო მოსამსახურეებს, საქართველოს თავდაცვის მინისტრის ბრძანებით, უწყებრივი მედლები გადაეცათ.

სამი სამხედრო მოსამსახურე  მედლით "საბრძოლო იარისათვის" დაჯილდოვდა.  მედალი "სამშობლოსათვის თავდადებული" ერთმა სამხედრომ მიიღო. ქართველ ჯარისკაცებს უწყებრივი მედლები ავღანეთში უფროსმა სამხედრო წარმომადგენელმა, პოლკოვნიკმა ჯონი ტატუნაშვილმა, 51-ე ბატალიონის მეთურმა, ვიცე-პოლკოვნიკმა კობა გრიგოლიამ და სამეკავშირეო ჯგუფის უფროსმა, აშშ-ის საზღვაო ქვეითთა კორპუსის ვიცე-პოლკოვნიკმა პიტ ლანგმა გადასცეს.

ღონისძიებაზე პოლკოვნიკმა ჯონი ტატუნაშვილმა ხუთ სამხედრო მოსამსახურეს მადლობის სიგელები გადასცა.

დაჯილდოების ცერემონიალზე პოლკოვნიკი ჯონი ტატუნაშვილი 51-ე ბატალიონის სამხედრო მოსამსახურეებს დაემშვიდობა და მისიის წარმატებით განხორციელება უსურვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება